EL SANTUARIO NO SE RINDE

EL SANTUARIO NO SE RINDE
(España, 1949)
Dirección e guión: Arturo Ruiz-Castillo. Argumento: José María Amado. Produción: Terramar Films e Valencia Films. Fotografía: Juan Mariné. Intérpretes: Alfredo Mayo, Beatriz de Añara, Tomás Blanco, Fernando Fernández de Córdoba. Duración: 97 minutos.
Marisa Orduña, condesa de Fuenterreal, lembra os días da Guerra Civil nos que foi asediado o Santuario de la Virgen de la Cabeza e tiveron lugar os seus amores co culto republicano Luis de Aracil, figura antagónica do capitán Cortés, garda civil que protexía o sagrado lugar. Sorprendente título que obriga a unha inmediata revisión dos prexuízos estendidos sobre o cine posbélico: un relato de trazos republicanos e enorme sensatez analítica que suxire unha forte dialéctica explicitada na dimensión visual facilitada por Mariné.