DON QUIJOTE DE ORSON WELLES

DON QUIJOTE DE ORSON WELLES
(España, 1992)
Dirección: Orson Welles (e Jess Franco). Guión: Orson Welles. Novos diálogos: Javier Mina e Jesús Franco. Produción: El Silencio Producciones; Patxi Irigoyen (nova versión). Fotografía: José G. Galisteo, Ricardo Navarrete, Juan Manuel de la Chica, Manuel Mateos, Giorgio Tonti, Edmond Richard e Jack Draper (B/N). Intérpretes: Francisco Reiguera, Akim Tamiroff, Orson Welles. Dur.: 111 min.
Montada con motivo da Exposición Internacional de Sevilla en 1992 polo colaborador de Welles Jesús Franco, é un dos grandes proxectos da vida do seu autor. Iniciado en 1957, xamais concluído, aproveita a adición de segmentos de diversa procedencia, en especial o documental para a RAI “Nella terra di Don Chisciotte” (1961-1965) e imaxes do NO-DO, para ofrecer un percorrido polas tradicións populares retrato da identidade española, unha hábil caracterización da parella protagonista e a enésima reflexión sobre o poder e a soidade, ademais de interesantes retallos metanarrativos.