THE DEATH OF MR. LAZARESCU

MOARTE A DOMNULUI LAZARESCU / THE DEATH OF MR. LAZARESCU / [A MORTE DO SEÑOR LAZARESCU]
(Romanía, 2005)
Dirección: Cristi Puiu. Guión: Cristi Puiu e Razvan Radulescu. Fotografía: Oleg Mutu e Andrei Butica. Produción: Mandragora Movies. Intérpretes: Ion Fiscuteanu, Luminita Gheorghiu. Duración: 153 minutos.
O señor Lazarescu ten 63 anos e vive cos seus tres gatos nun apartamento. A súa muller morreu hai oito anos e súa filla, Bianca, marchou a vivir a Canadá. En plena noite, Dante Lazarescu vese importunado por un leve malestar. Recollido por unha ambulancia, inicia unha odisea traxicómica ao longo de diversos hospitais de Bucarest, entre diagnoses constantes que non se resolven en tratamento ningún. Aclamada, hipnótica e fascinante comedia negra considerada a mellor película na sección “Un certain regard” en Cannes.