CONTAINER

CONTAINER
(Suecia, 2006)
Dirección e guión: Lukas Moodysson. Fotografía: Lukas Moodysson, Jesper Kurlandsky, Åsa Staffansson. Produción: Memfis Film. Intérpretes: Peter Lorentzon, Mariha Åberg. Duración: 74 minutos.
Os vertedoiros de Romanía son os lugares favoritos onde un sueco obeso libera de tanto en tanto a muller que leva dentro. As súas metamorfoses van acompañadas dunha voz que salmodia mantras sobre demos imposibles de satisfacer, escisións, desesperación e liberdade. Narración experimental a cargo do sueco Moodyson, gañador de dúas das últimas edicións do festival de Gijón e autor de “Fucking Amal” (1998) e “Lilya 4-ever” (2002).