Círculo rojo

LE CERCLE ROUGE / CÍRCULO ROJO
(Francia-Italia, 1970)
Dirección e guión: Jean-Pierre Melville. Produción: EIA, Les Films Corona e Selenia Cinematografica. Fotografía: Henri Decae. Intérpretes: Alain Delon, Gian Maria Volonté, Bourvil, Yves Montand. Duración: 140 minutos.
Memorable película de atracos que foi o maior éxito comercial (só en España tivo máis dun millón de espectadores) da carreira do seu maxistral, coherente e influente director, Jean-Pierre Melville (1917-1973), autor das tamén magníficas El silencio de un hombre ou El ejército de las sombras. Corey sae de prisión despois de cinco anos e decide preparar un atraco importante. Un asasino, un comisario, unha secuencia memorable (o roubo) de trinta minutos, o reflexo do cotián e a depuración de elementos, un elenco espléndido (atención a Bourvil nun cometido dramático), amosan que falar deste filme, que sobrepasa os referentes de Huston, Dassin ou Wise, é comezar e non parar. Imprescindible.