Beau Geste

Beau Geste
(Estados Unidos, 1939)

Dirección: William A. Wellman. Guión: Robert Carson. Fotografía: Theodor Sparkuhl. Intérpretes: Gary Cooper, Ray Milland, Robert Preston, Brian Donlevy, Susan Hayward, Broderick Crawford, J. Carrol Naish, Albert Dekker, Donald O'Connor, James Stephenson. Dur: 114'.

Varios membros da Lexión Francesa chegan a un forte ben custodiado, mais descobren que os gardas están mortos. Pode estar isto relacionado cunha misteriosa xema? Wellman parte dunha escena de máximo suspense e reconstrúe os feitos que chegarán a esa secuencia nun filme que conxuga drama e aventuras a partes iguais, solemnidade e lixeireza nun curioso cóctel que foxe das convencións do xénero. Conta cun elenco estelar capitaneado por Gary Cooper para completalo.