24 heures de la vie d'un clown+ Le silence de la mer / El silencio del mar

24 heures de la vie d'un clown
(Francia, 1946)
Dirección e guión: Jean-Pierre Melville. Intérpretes: Béby, Maïss. Dur: 18'.

A única curtametraxe do cineasta Jean-Pierre Melville rende homenaxe ao circo de 1946. No seu camerino, o vello pallaso Béby retira a maquillaxe para se unir ao día a día dos parisienses. Na súa intimidade, evoca en fotografías a historia dos grandes artistas e acróbatas. Con Maïss, o seu compañeiro na pista, unha xornada urbana é fonte de inspiración para sketchs humorísticos que interpretan no Circo Médrano esa mesma noite.

Le silence de la mer / El silencio del mar
(Francia, 1948)
Dirección e guión: Jean-Pierre Melville. Fotografía: Henri Decaë. Intépretes: Howard Vernon, Nicole Stéphane, Jean-Marie Robain Dur: 88'.

Tras a última guerra mundial, un oficial alemán alóxase na casa dun vellote e mais a sobriña del. Namorado de Francia e da súa cultura, o oficial visítaos cada noite para entretelos coas súas diversas reflexións. Mais os habitantes opoñen ao seu caseiro un determinado silencio. O filme é unha adaptación da novela de Vercors.