Varios

DSK
Despegue, Paisaxe e DSK
Dirección: DSK (Juan Lesta e Belén Montero). Duración: 4 minutos.
Auténtico cine en código ASCII. Proxeción de tres pezas incluídas no “Proxecto-Edición” que codirixen CGAC, MARCO e Fundación Luís Seoane da Coruña. ASCIIart consiste nun sistema dixital no que se traducen as imaxes a liñas compostas por caracteres (código ASCII), os cales recrean as formas da imaxe inicial. Para a permanencia analóxica da imaxe neste formato, DSK proxecta en celuloide 35 mm a película xerada coa súa información en ASCIIart.

ÉLÉVATION
(España, 2006)
Dirección, produción e guión: Carlos Seijo. Fotografía: Josep Lluis Vilchez. Intérpretes: Tania Masa, Pau Blanch, José Pérez Semo. Duración: 13 minutos.
Segundo a terminoloxía do ballet clásico, élévation é a capacidade dun bailarín para acadar altura ao bailar. Eli sempre quixo ser bailarina. De cativa, para facer os movementos preceptivos contaba coa axuda de Noel, seu pai. Pero hai un ano Noel foi ingresado nun psiquiátrico con graves trastornos. Quizais o reencontro con el sexa a entrada de Eli na madurez.

AUSENCIAS
(España, 2006)
Dirección e guión: Manuel I. Nanín. Produción: A Chanca Producións. Fotografía: José Manuel Mouriño. Intérpretes: Daniel Méndez, Icía Castro Iglesias, tía Concha, Xano A. Fernández. Duración: 11 minutos.
Un rapaz grande decide un día quedar dentro. A porta de saída non abre e el pouco a pouco está cada vez máis ausente de si.