Two-lane Blacktop / Carretera asfaltada en dos direcciones

Two-lane Blacktop / Carretera asfaltada en dos direcciones
(Estados Unidos, 1971)

Dirección: Monte Hellman. Guión: Rudy Wurlitzer, Will Corry. Fotografía: Jack Deerson. Intérpretes: James Taylor, Warren Oates, Laurie Bird, Dennis Wilson, David Brake, Richard Ruth. Dur: 101’.

Esta excitante road movie existencialista de Monte Hellman, cun marabilloso guión de Rudolph Wurlitzer e Will Corry e a miña interpretación favorita de Warren Oates, loce mesmo mellor agora do que en 1971, e xa era ben interesante daquela. James Taylor e Dennis Wilson son os condutores dun potentísimo Chevy do 55, e Oates ten un novo GTO (estes personaxes sen nome identifícanse, de feito, só polo nome dos coches que conducen); coñécense e acordan botar unha carreira dende Novo México ata a costa leste, aínda que un conxunto de intereses secundarios distráenos periodicamente, coa inclusión de varias autostopistas (entre elas Laurie Bird). (GTO métese hilarantemente na pel dunha nova persoa cada vez que recolle un pasaxeiro, ao contrario do harmonioso narrador da novela de Wurlitzer Nog). O filme comeza de xeito narrativo, mais convértese gradualmente en algo máis abstracto – é perturbador, mais tamén belo.
(Jonathan Rosenbaum, Chicago Reader, 13 de decembro do 2007).