Touchez pas au grisbi

TOUCHEZ PAS AU GRISBI / NO TOQUÉIS EL DINERO
(Francia, 1954)
Dirección: Jacques Becker. Guión: Maurice Griffe, Jacques Becker, sobre unha novela de Albert Simonin. Produción: Robert Dorfmann. Fotografía: Pierre Montazel. Intérpretes: Jean Gabin, René Dary, Jeanne Moreau, Lino Ventura, Dora Doll. Duración: 94 minutos.
O veterano gángster Max e un amigo rouban un botín cuantioso no aeroporto de Orly. Pero a ex-moza de Max, vinculada agora ao xefe doutra banda, Angelo, secuestra o socio de Max para facerse co diñeiro. Thriller de impresionante trazado moral, enérxico ritmo, vigor e capacidade de síntese, concentrado unicamente en 48 horas, que transgrede as pautas do policial tradicional. Copa Volpi en Venecia para a interpretación de Jean Gabin. “Por iso o verdadeiro tema é a amizade e a vellez. Este tema transparéntase no libro de Simonin pero moi poucos guionistas se decatarían e colocaríano en primeiro termo, deixando a acción violenta e o pintoresco para o segundo plano” (François Truffaut, Les films de ma vie, 1975).