SCANNERS

SCANNERS
(Canadá, 1981)
Dirección e guión: David Cronenberg. Produción: Filmplan International Inc., coa participación de CFDC. Fotografía: Mark Irwin. Intérpretes: Jennifer O´Neill, Stephen Lack, Patrick McGoohan, Michael Ironside. Duración: 105 minutos.
No mundo hai 237 “scanners”, homes con poderes telepáticos e unha percepción extrasensorial fóra do común. Un deles, Darryl Revok, apadriña unha ambiciosa operación para facerse co control da sociedade. O Dr. Ruth atopa a Cameron Vale, “scanner” de vida desgraciada, como remedio para frear a Revok. Relato en forma de thriller coa conspiración e a busca como eixes e un ton máis sensorial que propiamente epidérmico, que acada un enorme éxito e entra, por medio da imaxe da voadura dunha cabeza (o pensamento pode matar), na iconografía do xénero fantástico.