RAIN DOGS
Ho Yuhang, 2006.
94´. Subtítulos en galego.
TAI YANG YUE / RAIN DOGS
(Malaisia, 2006)
Dirección: Ho Yuhang. Guión: Ho Yuhang, Lim Lay-kuen e Too Set-Fing. Produción: Lorna Tee, Ho Yuhang. Fotografía: Gay Hian Teoh. Intérpretes: Liu Wai Hung, Kuan Choon Wai, Cheung Wing Hong. Duración: 94 minutos.
Ho Yuhang (1971), un dos principais cineastas independentes malaios, caracterizado polo uso de potentes imaxes cheas de melancolía e magnetismo. Nesta road movie relata o tránsito cara á idade adulta dun adolescente que, ante a violenta morte do irmán maior, se refuxia no campo na compañía do seu tío. Con distancia e respecto polo espazo vital, outórgaselle ao conxunto autenticidade e honestidade narrativas. Rodada en varias localizacións, elabora tanto un retrato da banalidade da vida urbana como da maxestosidade das paisaxes rurais, destacando a visión dunha Kuala Lumpur sucia, caótica e sórdida, difícil de ver noutras producións locais.