Ópera e cine

En colaboración coa coruñesa asociación «Amigos de la Ópera», proxéctase en outubro a primeira parte dun miniciclo, composto por catro películas, sobre as relacións entre o cine e a ópera. A filmación por parte de Ingmar Bergman da ópera de Mozart A frauta máxica e a máis divertida das visións cinematográficas deste mundo a cargo dos Irmáns Marx son as propostas deste mes. En novembro, unha película de Delvaux centrada nunha montaxe de Don Giovanni e a operística Os nibelungos, de Fritz Lang, nunha das súas versións máis completas.