Cine e Exilio

O CGAI organiza un ciclo con motivo da celebración do 70 aniversario do exilio republicano e en colaboración coa organización do congreso “70 anos despois. Congreso para o estudo da cultura do exilio republicano”, que ten lugar entre os días 12 a 14 de marzo de 2009 no Pazo de Mariñán. Os títulos escollidos atinxen a figuras políticas (Enrique Líster) e artísticas (María Casares, Carlos Velo, o actor coruñés Serafín Ferro, presente na película Espoir) ou ás consecuencias da diáspora, como o caso do exilio en Venezuela.
Agradecementos: Alain Rougelot, Xurxo Martínez Crespo, Cristina Bernáldez, Filmoteca Española, Margarita Ledo, Xosé Zapata, Miguel Anxo Fernández.