Programa 6: Os anos 70

Love it / Leave it. Tom Palazzolo, 1970, 14'.
DL2 (Disintegration Line #2). Lawrence Janiak, 1970, 12'.
Transport. Amy Greenfield, 1970, 6'.
Sappho and Jerry, Pts. 1-3. Bruce Posner, 1977-78 , 6'.
Ch’an. Francis Lee, 1983, 6'.
Seasons... Phil Solomon e Stan Brakhage, 2002, 16'.
Manhatta. Charles Sheeler e Paul Strand, 1920-21, 12'. 2ª versión con partitura de Wolfe e Carluzzo.
O desenvolvemento do vídeo e mais a súa popularización durante os anos setenta empurra o cine experimental a inquirir na súa propia natureza. Ao mesmo tempo, a nova situación sociopolítica nos Estados Unidos da época das protestas emerxe nalgunhas propostas como Love it / Leave it, ensaio sobre o patriotismo e o consumo. O traballo sobre o propio soporte cinematográfico sitúase no centro de DL2 (Disintegration Line #2), baseada en animacións abstractas, entrementres en Transport volve á idea da coreografía humana. En Sappho and Jerry, Bruce Posner regresa á estratexia de alteración da metraxe encontrada, contrastando a súa propia práctica como cineasta co seu traballo de restauración do histórico Manhatta. A sesión complétase con tres filmes fóra do marco cronolóxico, que establecen un diálogo entre o pasado e o presente do cine experimental: Cha'an, de Francis Lee, onde o tratamento fílmico redobra a calidade acuática das pinturas a tinta do propio autor e suxire unha reaparición do cine-poesía; Seasons… de Phil Solomon que recupera e reactiva o celuloide pintado e rachado por Stan Brakhage; e a devandita Manhatta. (MNCARS)