Photograhic Memory

PHOTOGRAPHIC MEMORY
(Estados Unidos-Francia, 2011)
Dirección e fotografía: Ross McElwee. Guión: Ross McElwee e Marie-Emmanuelle Hartnes. Produción: St. Quay Films, French Connection Films. Duración: 84 min. McElwee encóntrase en constante conflito co seu fillo Adrian, agora un mozo adulto que habita mundos virtuais vía internet. Coa esperanza de adquirir certa perspectiva sobre como era a súa vida cando tiña a idade do fillo, McElwee emprende unha viaxe a St. Quay-Portrieux (Bretaña), onde traballou unha primavera como axudante de Maurice, un fascinante fotógrafo de vodas. Durante a viaxe tenta averiguar que foi deste e de Maud, unha muller coa que tivo un romance 38 anos atrás. Todo o relatado permite a McElwee resucitar arquivos, ofrecer imaxes alleas e artellar un emotivo discurso sobre o paso do tempo e a historia das imaxes e a materia fílmica, entrando no debate dixital/analóxico. Un filme gabado en Venecia 2011. Sesión presentada polo crítico galego Víctor Paz, co-director da publicación dixital especializada A Cuarta Parede.