Prime Crime: A True Story

• Share on twitter
• Share on facebook

Tony Kiritsis, logo de ser estafado por un banco, preséntase no mesmo para secuestrar o fillo do presidente e demandar unha cuantiosa indemnización, ademais de esixir desculpas públicas, que deberán ser retransmitidas en directo en horario de prime time. Cun dispositivo caseiro que amordaza o mozo cun fío conectado ao canón dunha escopeta, calquera movemento en falso das forzas da orde acabará coa vida do rapaz.

Entretido e frenético thriller de Gus Van Sant, nesa vertente súa que entrecruza cinema popular con mensaxe política, neste caso cunha especialmente medida posta en escena que reconstrúe un caso verídico dos anos setenta. A fita, rodada practicamente en tempo real, logra transmitir a angustia da situación con pulso, boas actuacións e unha montaxe axeitada. A súa mellor película de xénero en moito tempo.