A través del espejo

• Share on twitter
• Share on facebook

Un médico é asasinado. As sospeitas recaen sobre unha muller, que resulta ter unha irmá xemelga. Quen das dúas matou o doutor? Un rabudo inspector e un sagaz investigador dos misterios da mente deciden explorar o universo das dúas irmás, excelente e simultaneamente interpretadas por Olivia de Havilland. Narración de intriga adscrita á corrente xenérica psicoanalítica da década dos 40 do século pasado, irmandadas nun desacougante tratamento da dualidade, as psicopatías e a propia figura do dobre. Siodmak fai deste filme outro catálogo de excelencia fílmica, desta vez de ambiente diurno, cheo de xogos de máscaras, espellos, trucaxes técnicas e personaxes de frialdade apaixonada.