Milou en mayo

• Share on twitter
• Share on facebook

Maio de 1968. Francia está paralizada pola folga. No seu belo caserón provincial do Gers, a señora Vieuzac é vítima dun ataque cardíaco. O seu fillo Milou convoca os membros da familia para unha última homenaxe á defunta. Chega logo un cortexo de tristes sires, sobre todo preocupados polas partillas da herdanza: Georges, o irmán, xornalista en Le Monde, e a súa muller Lily, unha inglesa; Camille, a filla de Milou, esposa reprimida dun médico bordelés; e Claire, a sobriña homosexual, en compañía da súa moza. Coas primeiras emocións pasadas, cada un dá vía libre ás súas manías e as súas pequenas obsesións. Mais aos poucos, as informacións da radio, o entusiasmo do fillo de Georges de volta de París, o illamento tamén, o sol, se cadra, van conxugar os seus efectos para modificar os comportamentos... (Institut Français)