Canino

KYNODONTAS / CANINO
(Grecia, 2009)
Dirección: Giorgos Lanthimos. Guión: Efthymis Filippou e Giorgos Lanthimos. Produción: Boo Productions, Greek Film Center e Horsefly Productions. Fotografía: Thimios Bakatatakis. Intérpretes: Christos Stergioglou, Michele Valley. Duración: 94 minutos.
Unha familia (pai, nai, tres fillos) vive nas aforas da cidade nunha casa rodeada por un alto muro. Por decisión dos pais, os nenos nunca saíron ao exterior. Só unha persoa, Christina, rompe esta ríxida barreira. Un agasallo que faga terá importantes consecuencias. Con reminiscencias distantes da película que Arturo Ripstein dirixira en 1973, El castillo de la pureza, o grego Giorgos Lanthimos conta (de maneira ben distinta) a historia desta exclusión e elección vital de xeito luminoso, con humor surreal e ecos de Lynch e Buñuel.