RABIA

RABID / RABIA
(Canadá, 1977)
Dirección e guión: David Cronenberg. Produción: Cinépix, Canadian Film Development Corporation (CFDC), The Dilbar Sindicate, Famous Player Film Company. Fotografía: René Verzier. Intérpretes: Marilyn Chambers, Frank Moore, Joe Silver, Howard Ryshpan, Patricia Gage. Duración: 91 minutos.
Outra epidemia.
Rose sofre un accidente de motocicleta que require unha intervención inmediata. Preto do lugar está a clínica do doutor Keloid, que, para salvala, recorre a un procedemento innovador. Rose esperta e só pode inxerir sangue humano, extraído cun afiado apéndice que lle saíu na axila. O vampirismo en cadea, as reaccións violentas dos afectados e a fuxida de Rose a Montreal parecen presaxiar unha hecatombe. Protagonizada por Marilyn Chambers, a estrela de cine porno coñecida por “Tras la puerta verde” (1973).