José Ernesto Díaz-Noriega
PENSANDO EN SOLEDAD (Marcos Nine, 2006).
LAS NINFAS DE LA CHARCA (José Ernesto Díaz-Noriega, 1935)
SEVER ODNUM (José Ernesto Díaz-Noriega, 1964)
EL CINE AMATEUR (José Ernesto Díaz-Noriega, 1965)
69´. Vídeo. Entrada gratuita.
Presentación da película de Marcos Nine e mesa redonda en torno á figura de José Ernesto Díaz-Noriega coa participación do propio director e os produtores Ignacio Benedeti e Xosé Zapata.
PENSANDO EN SOLEDAD
(España, 2006)
Dirección e guión: Marcos Nine. Produción: IB Cinema. Fotografía: Cremi e Justo Guisasola. Duración: 56 minutos.
Un repaso á vida de José Ernesto Díaz-Noriega (coñecido familiarmente como JEDN), inxenioso executante de pezas adscritas ao cinema afeccionado e pai dunha xeración de cineastas galegos. O documental dedica especial atención a segmentos biográficos e fílmicos de Díaz-Noriega vinculados á guerra civil española –lembrese o filme “El perro negro” de Peter Forgacs que recolle unha filmación inédita de Díaz-Noriega nesa etapa- e contén significativas entrevistas con familiares e amigos, algúns directores galegos (Castelo, Villaverde, Amil, Simón ou Juan Cuesta).
LAS NINFAS DE LA CHARCA
(España, 1935)
Dirección, guión, fotografía, produción: José Ernesto Díaz-Noriega. Duración: 5 minutos.
Chega o verán e ninfas e faunos achéganse á charca.
SEVER ODNUM
(España, 1964)
Dirección, guión, fotografía, produción: José Ernesto Díaz-Noriega. Duración: 4 minutos.
O mundo ao revés, outro colage de imaxes coa fantasía e o humor como punto de partida, que funciona como unha sorte de anticipo de “El fantasma de la libertad”.
EL CINE AMATEUR
(España, 1965)
Dirección, guión, fotografía, produción: José Ernesto Díaz-Noriega. Duración: 4 minutos.
Un dos traballos “amateur” máis célebres da Historia. Premiado no festival homónimo de Cannes consagra as posibilidades do cine dentro do cine: un código de comportamento do cineasta afeccionado en clave de hilarante chotis.