Sabotaje (La mujer solitaria)

• Share on twitter
• Share on facebook

Un acto de sabotaxe priva de iluminación a cidade de Londres durante unhas horas. O culpable é Verloc, empresario dun cine do West End londinense e xefe dunha organización secreta de terroristas estranxeiros que trata de destruír a capital. A súa muller, Sylvia, que ignora as súas actividades clandestinas, traba amizade con Ted, dependente dunha tenda veciña, malia ser en realidade un detective de Scotland Yard cuxa misión é vixiar a Verloc. “Película que fai un uso complexo e consistente da imaxinería —e dos propios elementos cinematográficos como o correlato—, Sabotaje condúcenos desde a penumbra do cine de Verloc á escuridade interior, máis penumbrosa aínda, dun espectador. Tanto na súa forma coma no seu contido, este brillante bosquexo do caos universal constitúe un claro antecedente de Psicosis.” (Donald Spoto)