
Maldito bastardo
Javier Camino, 2008
82'. Vídeo. Presentación a cargo dos seus autores. Entrada de balde.
MALDITO BASTARDO
(España, 2008)
Dirección, guión e fotografía: Javier Camino. Produción: Álvaro Novo. Intérpretes: Juanillo Esteban, Pilar Miguélez, Tamar Novas. Duración: 82 minutos.
Case que todos escoitamos algunha vez unha boa historia acariñados pola calor da cheminea. Pero moi poucos escoitamos un relato tan grotesco e delirante como o que Fonsiño escoitou unha fría noite de inverno de boca do seu avó. Unha historia real chea de violencia e loucura, poboada por doutores chalados, garuleiros salvaxes, androides teledirixidos, porcos mecánicos e deidades de peluche. Unha historia onde o verídico rematará fundíndose coas invencións e distorsións propias dun narrador senil, creando un conxunto totalmente inverosímil.