LA HIJA DE RYAN
David Lean, 1970
206´. Subtítulos en castelán.
RYAN´S DAUGHTER / LA HIJA DE RYAN
(Gran Bretaña, 1970)
Dirección: David Lean. Guión: Robert Bolt. Produción: Anthony Havelock-Allan para Metro Goldwyn Mayer. Fotografía: Frederick Young. Intérpretes: Sarah Miles, Robert Mitchum, Trevor Howard. Duración: 206 minutos.
Unha vila da costa irlandesa está envolta en 1917 na loita cos ocupadores ingleses. Rosy, a filla de Ryan, o taberneiro, namora e acaba casando co mestre, Charles, un home moito máis vello. O aburrimento aflora neles e Rosy interésase polo oficial inglés Doryan. O IRA vai recoller un perigoso cargamento e calquera movemento é temible. Co leve punto de arranque do relato “Madame Bovary” de Flaubert, Lean deseña un dos seus filmes máis fermosos, converxencia de naturezas (íntima e externa), mestura de feitos clandestinos e espectacularidade, un medido exercicio visual reforzado de novo por un elenco de luxo, onde tamén están un oscarizado John Mills, Leo McKern ou Barry Foster.