![LA GRANDE BOUFFE](https://filmotecadegalicia.xunta.gal/sites/w_pcgai/files/styles/cover/public/7b6ccea_1684160657479-3-grandebouffe197313jpg.jpg?itok=bXWbKUic)
LA GRANDE BOUFFE
Marco Ferreri, 1973.
125´. Subtítulos en galego. Mesa redonda homenaxe a José Luis Sánchez coa presenza de Eduardo Galán, Arturo Lezcano e Marcial Cantero, entre outros. Entrada gratuíta.
LA GRANDE BOUFFE / LA GRAN COMILONA (Italia-Francia, 1973) Dirección: Marco Ferreri. Guión: Marco Ferreri e Rafael Azcona. Produción: Films 66, Mara Films e Capitolina Produzioni Cinematografiche. Fotografía: Mario Vulpiani. Intérpretes: Michel Piccoli, Marcello Mastroianni, Philippe Noiret, Ugo Tognazzi. Duración: 125 minutos. Catro homes de mediana idade e boa condición social reúnense para pasar a fin de semana nunha vila abandonada. Os obxectivos, o sexo e a degustación dunha sucesión de pratos selectos, parecen advertir sobre un hedonista suicidio en grupo. Reparto exemplar e guión de Azcona e Ferreri nun dos dramas extremos do director italiano onde a mestura de euforia e traxedia leva implícita a forza da sátira, con dardos envelenados contra a sociedade de consumo, e un singular cruzamento de sensacións (mesmo físicas) no espectador. A película obtivo un notable escándalo en Cannes, onde conseguiu o Premio FIPRESCI (compartido con La maman et la putain de Jean Eustache), primeira pedra do éxito desta maxistral, lúcida e conmovedora parábola.