Imagine

IMAGINE
(Polonia-Francia-Portugal, 2013)
Dirección e guión: Andrzej Jakimowski. Produción: Zjednoczenie Artystów Rzemieslników, KMBO, F&ME, CNC, ICA e Filmes do Tejo. Fotografía: Adam Bajersky. Intérpretes: Alexandra Maria Lara, Edward Hogg. Duración: 101 minutos.
Un filme que conta en imaxes a imposibilidade de vermos. O director escribiu o guión logo de estudar durante meses os métodos e orientación espacial das persoas cegas que lle pareceron “poéticos e absolutamente cinemáticos”. Un relato sobre o poder da imaxinación, as nosas limitacións, o risco e o afán de superación. Sobre a aventura de vivirmos e experimentarmos o mundo.