FRANZ FERDINAND: ROCK IT TO RIO

FRANZ FERDINAND: ROCK IT TO RIO
(Reino Unido, 2007)
Dirección e guión: Don Letts. Produción: Somethin´ Else Production. Fotografía: Louis Mulvey. Intérpretes: Franz Ferdinand, Bono. Duración: 54 minutos.
O documentalista punk afrobritánico Don Letts (“The Clash: Westway to the world”, “Punk: Attitude“) volve ás súas raíces, os concertos, alí onde está a acción. Achégase aos indies máis celebrados de Escocia mentres o grupo xira por América Latina (Chile, Brasil e Arxentina, abrindo o concerto de U2 en Sâo Paulo), actuacións cheas de xente. Franz Ferdinand, o grupo escocés de pop, intelecto e baile, herdeiros de Orange Juice e Josef K, están na súa salsa, de festa no entroido de Río ou gravando novas cancións.