Fragmentos de Brand

FRAGMENTOS DE BRAND
(España, 2012)
Dirección e guión: Carlos Álvarez-Ossorio, inspirado na montaxe teatral Brand da compañía Cámara Negra, baseada á súa vez nun poema dramático de Henrik Ibsen. Produción: Cámara Negra. Fotografía: Diego Frey. Intérpretes: Xosé M. Esperante, Teté García. Duración: 106 minutos.
Un conto en catro tempos inspirado na montaxe teatral Brand da compañía Cámara Negra e baseado nun poema de Ibsen. Brand acorda onda unha árbore, no medio dun espazo desolado. Parece non recordar quen é nin que fai aí. Tras deambular sen rumbo, topa tres descoñecidos que non pronuncian palabra ningunha. Sen saber moi ben que queren del, Brand, que cre ver en todo signos bíblicos dunha posible misión divina, déixase levar por eles. A partir dese momento, todo se desenvolve como un pequeno conto, á vez inxenuo e cruel, nun ambiente rudo, basto e primitivo.