Young & Beautiful

• Share on twitter
• Share on facebook

Poti, Nais, Ione e Das son rapaces españois que decidiron vivir baixo os seus propios termos. Mais ao rondar os trinta anos, anégaos un fondo desasosego: están lonxe aínda de seren os adultos independentes, seguros e apaixonados que sempre soñaron. Mentres a sociedade os empurra a abandonar as súas ‘egoístas’ aspiracións, cada un debe revisar a súa identidade a través do diálogo. Así comeza un íntimo intercambio entre eles e Marina, a súa amiga e directora desta película. Coa proximidade da súa cámara, acompáñaos nos momentos máis lúcidos e fráxiles do seu día a día: bailar, espertar xuntos, pasear por paisaxes amadas, romper a chorar e a rir mentres buscan en complicidade alternativas para manterse íntegros. (RIZOMA)