Sin techo

• Share on twitter
• Share on facebook

Sin techo ilustra, para todos aqueles que contemplamos a existencia desde a comodidade dos nosos salóns burgueses, como é a vida daquelas persoas desbotadas pola nosa sociedade, os fitos da súa aventura cotiá, a súa peripecia consistente en sobreviviren a sí mesmas e aos demais no día a día dunha gran cidade. Un relato, en definitiva, tan verídico como cheo de compaixón e que é contado, ademais, por protagonistas reais da odisea da existencia nas espidas rúas de Barcelona cando non existe refuxio nin cuartel, cando vives do outro lado do espello. Un filme que trata de dar visibilidade a aqueles que non a teñen, de obrigarnos a fixar a nosa vista, xa que, como dicía a memorable frase da directora iraniana Forugh Farrojzad: “O mundo está cheo de fealdade máis aínda habería máis se a humanidade apartase a ollada.” [Martín Cuesta, Catálogo FICX 2019]