Retrato de una mujer en llamas

• Share on twitter
• Share on facebook

Céline Sciamma, autora de filmes como Tomboy (2011) e Bande de filles (2014), achégase á Francia de 1770 nun dos grandes filmes dos últimos tempos. Marianne, unha pintora, recibe a encarga de realizar o retrato de vodas de Héloïse, unha moza que abandonou un convento e que ten serias dúbidas respecto ao seu inminente matrimonio. Marianne debe retratala sen o seu coñecemento, polo que se dedica a unha diaria e minuciosa pescuda. Sciamma une ás súas preocupacións habituais (da liberdade feminina ao amor ou o desexo) a reflexión sobre a propia creación artística, enmarcada nun relato de esixente elaboración formal e sentido pictórico.