Pontevedra, cuna de Colón

• Share on twitter
• Share on facebook

Documental de 1927 que desenvolve a tese da orixe pontevedresa de Cristóbal Colón, defendida por varios historiadores citados na película. A peza tivo dúas versións, estreadas en 1927 e 1930 respectivamente, e cada unha delas serviu a Enrique Barreiro, unha das figuras máis importantes do cine galego nos anos vinte e trinta xunto co seu irmán Ramón, como campo de probas nos seus experimentos para dotar de cor a imaxe cinematográfica. Concretamente, a versión de 1927 está realizada empregando un sistema de cor experimental de creación propia chamado Cromacolor. Material restaurado pola Filmoteca Española, a peza que se poderá ver recupera as cores orixinais deste traballo pioneiro.