Picadillo: o peso da cociña galega

• Share on twitter
• Share on facebook

Picadillo vai debullando a súa vida en base a anécdotas e receitas, o que nos permite achegarnos aos auténticos chefs actuais da cociña galega para ver de averiguar se existe realmente algo ao que podamos chamar “cociña galega”.

Que é a cociña galega? Porqué a fixo así o pobo ao longo dos tempos? En que nos diferenciamos dos demais? E porqué nos diferenciamos dos demais? Como “sabe” Galicia? Coa axuda de personalidades históricas da gastronomía e dos novísimos cociñeiros de Galicia percorreremos un camiño apaixonante e saboroso. Coñecendo, pensando, rindo e aprendendo.

Un camiño con humor, que para iso o noso guía (Picadillo) é un personaxe queridísimo e cunha bonhomía lendaria.

A través del coñeceremos aos “Picadillo” da actualidade (Solla, Freitas, Olleros...), pero tamén a Emilia Pardo Bazán e a Álvaro Cunqueiro; así como a expertos en gastronomía e a festas populares. O presente e o futuro da cociña galega constrúese en base a un pasado, este documental permitirá velo en perspectiva.

E pasándoo ben. Porque na cociña en Galicia sempre se goza. Galicia sabe. A que sabe Galicia?