Paz

• Share on twitter
• Share on facebook

“Escoita o que o home en silencio ten para dicir.” A forza destas palabras resoa na pantalla para dar comezo a este documental de Marta Ramos e José Oliveira, que expande e continúa o traballo que fixeran en Guerra.

Un grupo de excombatentes comparten unha tarde xuntos, xogan ás cartas e cantan, mais esas imaxes apracibles coliden co material de arquivo das guerras coloniais que estes homes pelexaron en chan africano e abren unha xanela ao que esas facianas e esas voces cargan no seu interior.