Noche de circo

• Share on twitter
• Share on facebook

O circo Alberti chega a unha pequena cidade, onde organizan un desfile polas súas rúas que acaba coa detención dos seus responsables. O xefe da troupe, Albert, mantén unha aventura cunha das súas traballadoras, Anne. Mais cando o home, unha vez perdida a fe no circo, decide volver coa súa familia, ela lánzase aos brazos do galán Frans. Por suposto, as cousas non acaban así. É Bergman. O asunto complícase un pouco máis.

No seu momento recibida de forma máis ben negativa pola crítica e con escaso público, reivindicouse nos últimos tempos coma un dos grandes filmes clásicos do realizador sueco, no que explora algúns dos seus temas predilectos coma o desexo ou o sentimento de culpa dende unha perspectiva mordaz.