Más fuerte que la ley

• Share on twitter
• Share on facebook

Jenny Marsh é posta en liberdade condicional logo de cumprir cinco anos dunha condena a perpetuidade por asasinato. O oficial responsable da súa liberdade, Griff Marat, ofrécelle un emprego na súa casa para coidar a nai cega. Axiña Griff e ela namoran e casan. A aparición dun antigo e perturbador amante de Jenny complica todo. Sobre un guión inicial do gran Samuel Fuller, Sirk asina un relato áxil revestido de intensidade para o estudio Columbia (penúltimo filme antes da súa etapa máis recoñecida para a Universal). Como curiosidade, o célebre artista Richard Hamilton fixo unha serie de cadros inspirados nunha imaxe da película coa actriz protagonista Patricia Knight como centro.