Kawaita hana (Flor pálida)

Masahiro Shinoda, 1964

Ryô Ikebe, Mariko Kaga, Takashi Fujiki, Chisaki Hara, Eijirô Tôno, Seiji Miyaguchi.

94 min.

Baseada nunha novela de Shintarô Ishihara —famoso retratista da mocidade xaponesa da época—, Flor pálida permitiu a Shinoda realizar unha incursión no cine da yakuza sen seguir os clixés do xénero.

O protagonista, farto e confuso como moitos dos mozos que habitan as fitas de Shinoda nesta época, lánzase a unha carreira de sacrificio e derrota, non polos valores da ética yakuza, senón polo seu irrefreable desexo de beleza. Neste caso, o obxecto do seu desexo é unha moza rica na procura de emocións fortes que a saquen do seu aburrimento.