Kafka For Kids

• Share on twitter
• Share on facebook

Kakfa for kids é un filme cross-xénero, que combina comedia musical con partes de drama e documental político. O filme preséntase como o episodio piloto dunha serie de televisión que, perversamente, pretende tornar os contos de Kafka accesibles ás crianzas pequenas. A historia que se expón no primeiro episodio é A metamorfose.

Mentres que o conto sobre a transformación nun verme de Gregor Samsa aparece renderizado en animación, a lectura da historia ocorre en live action, na máxica casa de contos na que un avó sen nome le a historia a unha crianza, rodeada dun grupo de obxectos con vida propia, como a Señora Lámpada e o Señor Mesa. Estas amizades animalísticas dobran as personaxes do conto e interpretan as cancións do filme, acompañadas por una orquestra de xoguete. A medida que o argumento se expande, ao conxunto únense outras mascotas como o portador de malas novas, e o sabio da casa: o zapato esquerdo de Kafka.

A centralidade da lei nos escritos e o pensamento de Kafka, e as nocións de infancia que se exploran no filme levan o seu final cara un espazo narrativo moi diferente: unha exposición dos complexos e problemáticos modos en que a infancia é circunscrita legalmente nos territorios ocupados pola lei militar.