Ghashiram Kotwal

• Share on twitter
• Share on facebook

Respondendo á declaración do estado de emerxencia en 1975 por parte de Indira Gandhi, despois de pasar varias xornadas no Instituto do Cine e a Televisión, Mani Kaul fundou a canda un grupo de 15 estudantes a Cooperativa Yukt. Ghashiram Kotwal é o resultado desta sinerxia, unha película baseada na célebre obra homónima do dramaturgo Vijay Tendulkar inspirada na biografía do primeiro ministro Nana Fadnavis (1741-1800) e do seu Xefe de Policía Ghashiram Kotwal. Este coreografado traballo, unha experimentación coas formas folclóricas teatrais realizado en colaboración cun grupo de 40 actores, evoca as maquinacións do goberno na India occidental do século XVIII.