Evangelio mayor

• Share on twitter
• Share on facebook

Evangelio mayor trata do envellecemento no contexto das persoas LGTBIQ+. O envellecemento e os fenómenos que o acompañan adoitan ficar na sombra das representacións visuais, que prefiren modelos novos e saudables. Esta exclusión agudízase cando se trata de lesbianas, gais, transexuais e outros disidentes sexuais, cuxas imaxes acostuman cinguirse a un reducido conxunto de estereotipos. Mais vellez ou enfermidade (e o filme fai tamén memoria da sida) permítennos a todos experimentar a fraxilidade do corpo vivo e pensar logo nos límites sociais e culturais que nos condicionan; ademais, idade e enfermidade poñen en xogo a capacidade para se enfrontar aos devanditos límites, aspecto central da creatividade humana.