El jefe político

• Share on twitter
• Share on facebook

Leopoldo Quintana é un avogado e político capaz de calquera cousa por conseguir o que quere. Valéndose de chantaxes e turbias maniobras, é nomeado deputado, despois ministro, e finalmente presidente do Consello. A súa ambición sen medida acaba provocando protestas sociais a prol dunha xornada laboral de oito horas que el non quere aceptar. O conflicto será unha das razóns da súa caída.

O traballo de recuperación levouse a cabo en Filmoteca Española a partires de materiais nitrato en 35 mm con tinguidos, virados e intertítulos en castelán. Os materiais dixitalizaronse en 4K e proveñen de dous fondos: por un lado, cinco rollos adquiridos en 1999 polo Arxiu del So i de la Imatge de Mallorca dunha copia incompleta e importantes alteracións de montaxe; e, por outra banda, dunha lata con fragmentos soltos donada en 2001 por un particular a Filmoteca Española. Aínda que filme existen diferencias respecto á novela, a reconstrucción basease nesta ante a falta doutras referencias. Incluíronse rótulos explicativos tomados da mesma e tamén outros de elaboración propia. Os rótulos son reconstruídos respectando o deseño dos propios da obra e incluindo os logos de Filmoteca Española e o Arxiu de So i de la Imatge de Mallorca para a súa fácil identificación fronte aos propios existentes na copia. Malia a inclusión dos títulos engadidos, a película presenta importantes lagunas na súa continuidade narrativa. A imaxe foi estabilizada, etalonada e axustada a unha velocidade de reproducción equivalente a 17 fotogramas por segundo, respectándose o resto de características físicas presentes nos materiais fotoquímicos e non realizándose ningún tratamento dixital da imaxe para eliminar os defectos existentes nos mesmos.