Chichi e máis eu

• Share on twitter
• Share on facebook

Cando alguén morre, sempre quedan preguntas sen facer. Aquí percorremos a vida e a obra de Xesús ‘Chichi’ Campos, pioneiro do cómic galego, loitador antifranquista, galerista e humorista. En definitiva, unha das figuras máis esquecidas da cultura galega. E é que, cando morreu, deixou un fillo que só tiña once anos e moitas preguntas que, trinta anos despois, responde neste documental.
Unha oralidade envolvente orquestrada precisamente por Nico Campos, no seu segundo documental despois de Toñito Blanco: Só, perdido e vicioso, conformando un díptico sobre figuras da cultura galega desaparecidas na década dos noventa antes de cumpriren corenta anos.