Extraños en el paraíso / Stranger Than Paradise

Extraños en el paraíso / Stranger Than Paradise
(Estados Unidos, Alemania, 1984)
Dirección e guión: Jim Jarmusch. Fotografía: Tom DiCillo. Intérpretes: John Lurie, Eszter Balint, Richard Edson, Cecillia Stark. Dur:: 89'.

Dividida en tres capítulos, correspondentes de forma peculiar á estrutura de nó, desenvolvemento e desenlace, Extraños en el paraíso cóntanos a historia de Willie, húngaro residente en Nova York, o seu amigo Eddie e a curmá do primeiro, Eva. En El Nuevo Mundo, situada en Nova York, asistimos ao comezo da relación dos protagonistas. En Un Año Más Tarde, desenvolvida en Cleveland, os personaxes descobren os seus desexos ocultos. E en Paraíso, situada en Florida, asistimos a un orixinal desenlace propio desta curiosa road movie cuxas secuencias de estrada son tan só o leit motiv desta historia. Cámara de Ouro no Festival de Cannes.