En la casa

DANS LA MAISON / EN LA CASA
(Francia, 2012)
Dirección: François Ozon. Guión: François Ozon, sobre a obra teatral de Juan Mayorga El chico de la última fila. Produción: Mandarin Cinéma, Mars Films, France 2 Cinéma e FOZ. Fotografía: Jérôme Alméras. Intérpretes: Fabrice Luchini, Kristin Scott Thomas, Ernst Umhauer, Emmanuelle Seigner. Duración: 105 minutos.
Un profesor de literatura vese cativado progresivamente polos relatos dun alumno, Claude, ao que decide ensinar fóra das aulas. Proxección polo Día Mundial do Teatro, dado que o filme de Ozon (8 mujeres; Joven y bonita) se inspira nunha peza teatral, El chico de la última fila (2006), obra do escritor español Juan Mayorga. Filme sobre o propio feito de contar historias, o poder da mirada, os puntos de vista e as diversas perspectivas; a partir dunha premisa e con ton amable, sinxelo, vanse desvelando moitos elementos inquietantes –que o emparentan co cine anterior de Ozon- ao tempo que se provoca unha estimulante fervenza de reflexións (arte, creación, sociedade, educación, relacións humanas,…) con resultados tan lúdicos como turbadores. Concha de Oro no Festival de San Sebastián.