El gran carnaval

ACE IN THE HOLE/ THE BIG CARNIVAL / EL GRAN CARNAVAL
(Estados Unidos, 1951)
Dirección: Billy Wilder. Guión: Lesser Samuels, Walter Newman e Billy Wilder. Produción: Paramount Pictures. Fotografía: Charles Lang jr. Intérpretes: Kirk Douglas, Jan Sterling. Duración: 111 minutos.
Chuck Tatum é un brillante xornalista en horas baixas, afectado tanto por unha ruptura amorosa como polo abuso do alcohol. Chega a un xornal local de Novo México a ofrecer os seus servizos. A particular desgraza dun home, Leo Minosa, atrapado nunhas rochas, aviva a intuición e desexo de triunfo de Chuck. Carente de escrúpulos, Chuck cre que volveu o seu momento. Vitriólica, fera, brillante, unha exploración na condición humana e no propio papel do xornalismo, profesión que Wilder celebrou e á que volvería de xeito directo en Primera plana (1974).