El asesino vive en el 21

L’ASSASIN HABITE AU 21 / EL ASESINO VIVE EN EL 21
(Francia, 1942)
Dirección: Henri–Georges Clouzot. Guión: Henri–Georges Clouzot e Stanislas-André Steeman, sobre a novela deste. Produción: Continental. Fotografía: Armand Thirard. Intérpretes: Pierre Fresnay, Suzy Delair. Duración: 85 min. Ópera prima de Henri–Georges Clouzot e o máis estritamente policíaco dos títulos da súa filmografía. Unha intriga no barrio parisino de Montmartre, onde un asasino actúa deixando unha tarxeta de visita sobre as súas vítimas. As pistas conducen a unha vella pensión, Las Mimosas. Fiel a si mesmo desde o inicio, Clouzot aparece máis preocupado por personaxes e creación de ambientes, pola creación dun universo asfixiante, que polos enigmas da trama, ademais de anticipar moitas das súas constantes, do relativismo da verdade e a sordidez a decorados e planos ben delimitados.