Chico & Rita

CHICO Y RITA
(España-Reino Unido, 2011)
Dirección: Fernando Trueba e Javier Mariscal, coa colaboración de Tono Errando. Guión: Fernando Trueba e Ignacio Martínez de Pisón. Produción: Fernando Trueba PC, Estudio Mariscal e Isle of Man Films (Reino Unido). Duración: 90 minutos.
Cuba, finais dos anos corenta. Chico e Rita coñécense nun baile nun club de La Habana e comezan unha apaixonada historia de amor. Ela soña con ser cantante e el é un pianista namorado do jazz. As unións, separacións e reencontros sucesivos entre eles polo mundo adiante marcan este relato. Nomeada ao Oscar á mellor película de animación, gaña o Goya e o Premio Europeo, ademais de dous Premis Gaudí (animación e música orixinal, Bebo Valdés). Resulta unha singular fusión dos intereses dos seus coñecidos directores, o cineasta Fernando Trueba e o deseñador Javier Mariscal.