APUNTES DE FRANK GEHRY

SKETCHES OF FRANK GEHRY / APUNTES DE FRANK GEHRY
(Estados Unidos-Alemaña, 2005)
Dirección e guión: Sidney Pollack. Produción: Mirage Enterprises, Thirteen/ WNET New York´s American Masters (Estados Unidos) e LM Media (Alemaña). Fotografía: George Tiffin, Claudio Rocha, Sidney Pollack, Marcus Birsel e Ultan Guilfoyle. Duración: 83 minutos.
Documental biográfico dirixido polo coñecido Sidney Pollack (“Danzad, danzad, malditos”, “Yakuza”, “Memorias de África”) que plasma a esencia do singular traballo do arquitecto Frank O. Gehry, persoeiro tímido e misterioso. Tomando como punto de partida os apuntes orixinais que realizou para os seus grandes proxectos, explora o proceso seguido para facelos tanxibles. Aparicións de Dennis Hopper, os produtores Barry Diller e Michael Eisner e o cantante Bob Geldof.