WADI GRAND CANYON

(Israel-Francia-Italia, 2001)
Dirección: Amos Gitai. Produción: Agav Films, Arte, R&C Produzioni, Noga Communication, The New Israeli Fondation for Cinema & TV. Fotografía: Nuria Aviv. Dur.: 90 min.

Wadi Rushmia é un dos vales que atravesan Haifa, unha especie de fractura xeolóxica que divide a cidade. Ese ‘wadi’ (enxurro) constitúe un enclave case silvestre e encaixado no que viven moitas decenas de habitantes que forman unha comunidade á parte, illada do resto da cidade. Son xente abandonada á súa sorte, homes e mulleres que viven á marxe da sociedade israelí. Árabes e xudeos, mesturados. Gitai rodou tres doumentais sobre esta comunidade ao longo de vinte anos, filmando as súas xentes: os que morreron, os que abandonaron o val, os que seguen a vivir alí e continúan o relato desa vida en común.